TOPONIMIA DE CARNOTA - Alfonso Blanco Quintela

Caldebarcos, Lariño, Miñarzo, Nóutigos, Panchés, O Pindo... a Toponimia de Carnota está inzada de topónimos únicos. Vinte dos 59 nomes de lugar da toponimia maior e oito da toponimia menor analizados no presente volume poden ser considerados como tal.

Alfonso Blanco Quintela, autor tamén de Toponimia de Muros (2023), acomete nesta nova entrega o obxectivo de ofrecer unha mostra representativa dos nomes de lugar do municipio carnotán, dos que o portal colaborativo Galicia Nomeada recolle xa máis de 3500.