SOMOS O QUE IMAXINAMOS - Alberto González-Garcés

“Somos o que imaxinamos” é un conxunto de 42 vibrantes relatos curtos que falan da vida e da nosa cultura. Algúns baséanse en experiencias vividas, outros son pura ficción. Mitos, lendas, lecturas, viaxes, camiñar con amigos, reflexións, peixes, investigación mariña, observación do mundo e soños, ten cabida nestes apaixonantes relatos. Todos xorden de pasear con optimismo, e certa retranca, no tempo e no espazo. Unhas veces por lugares próximos, outras por ámbitos máis afastados, e as máis das veces polos íntimos e intricados sendeiros dun mesmo.