SEVERINA E A RAÍÑA DOS TRASNOS - Inés Vázquez

Inés Vázquez regresa cunha nova historia de aventura e misterio na que o mundo real se fusiona con imaxinario de xeito natural. Nun Santiago de Compostela decimonónico, retratado en viñetas preciosistas que engaiolan a mriada, Severina intentará descubrir un misterio sobrenatural que sucede na súa propia casa familiar.

Severina e a raíña dos trasnos reinterpreta a tradición fantástica galega con grandes doses de imaxinación e, sen dúbida, fará as ledicias do público lector máis esixente. Unha novela gráfica cun gran ritmo narrativo, un guión sorprendente e un debuxo prodixioso.