AXENDA 2026 - Irmás Cartoné (semanal)

Chegou o outono e con el chega, un ano máis, a Axenda Cartoné para ofrecerlles aos lectores a súa compaña literaria para o ano que vén. Desta volta inspirámonos en mostrarios de técnicas de zurcido europeos e americanos dos séculos XVIII e XIX, cos que compuxemos a colaxe da capa. Porque aínda que a nosa intención sexa sempre que as cousas saian «bordadas», moitas veces as circunstancias fan esgazar os plans e cómpre estarmos preparadas para botar un bonito remendo alí onde sexa preciso. E quen sabe?, talvez esas puntadas acaben facendo máis fermoso o tecido dos nosos días.